អំពូលភ្លើងព្រះអាទិត្យនៅតំបន់អង្គរវត្ត

………………….
កាលពីថ្ងៃព្រហស្បតិ៍ អំពូលភ្លើងដើរដោយថាមពលពន្លឺព្រះអាទិត្យចំនួន
១៦ ដើមត្រូវបានដំឡើងនៅតំបន់អង្គរវត្តនៅតាមបណ្តោយផ្លូវមត្តិភាព
កម្ពុជា-កូរ៉េ ដើម្បីលើកកំពស់សោភ័ណ្ឌភាព និង សុវត្តិភាពនៅពេលរាត្រី
ក្នុងតំបន់បេតិកភ័ណ្ឌពិភពលោកអង្គរវត្ត។ គំរោងនេះត្រូវបានធ្វើឡើង
ដោយមានការសហការរវាងក្រុមហ៊ុនអាកាសចរណ៍ Asiana និង អង្គការ
KOICA(Korea International Cooperation Agency) ដើម្បីធ្វើការបរិច្ចាគ
ដល់ប្រទេសកម្ពុជា។ វិភាគទានសង្គមនេះនឹងជួយរឹតចំណងមិត្តភាពរវាង
ប្រទេសកម្ពុជា-កូរ៉េ និង ជាពិសេសជាការចូលរួមចំណែកក្នុងការជួយការពារ
និង អភិវឌ្ឍតំបន់បេតិកភ័ណ្ឌពិភពលោកមួយនេះ។ ក្រុមហ៊ុនអាកាសចរណ៍
Asiana ដែលជាក្រុមហ៊ុនដឹកជញ្ជូនតាមផ្លូវអាកាសលំដាប់លេខពីររបស់កូរ៉េ
មួយនេះ នឹងបន្តគំរោងនេះដោយដំឡើងបង្គោលភ្លើងប្រើដោយថាមពលពន្លឺ
ព្រះអាទិត្យចំនួន ៥ ទៅ ១០ដើមជារៀងរាល់ឆ្នាំៗរហូតដល់ឆ្នាំ២០១៥។
…………………