អ្នកទាំងអស់គ្នាប្រហែលជាបានលឺពាក្យស្លោកថា “ប្រទេសខ្ញុំ ស្រាបៀរខ្ញុំ” ជាញឹកញាប់
ជាមិនខាននៅតាមកញ្ចក់ទូរទស្សន៍ឫតាមវិទ្យុជាដើម។ តើពាក្យស្លោកនេះសំដៅទៅលើ
អ្វីទៅ?
“ស្រាបៀរ អង្គរ!”
ខាងក្រោមនេះជាប្រវត្តិខ្លះៗទាក់ទងនឹងការផលិតស្រាបៀរ អង្គរ៖
“ស្រាបៀរ អង្គរ” ត្រូវបានផលិតចេញជាលើកដំបូងនៅឆ្នាំ១៩៦៣ ដោយរោងចក្រ
ស្រាបៀរអង្គរដែលស្ថិតនៅទីក្រុងព្រះសីហនុ ប្រទេសកម្ពុជា។ រោងចក្រនេះត្រូវបាន បង្កើតឡើងដោយរដ្ឋាភិបាលកម្ពុជា នាដើមទសវត្សទី៦០ ដែលបានកសាង និងផ្តល់
ជំនួយការ បច្ចេកទេសដោយជនជាតិបារាំង (គំរោងបង្កើតរោងចក្រស្រាបៀរនេះ មាន
តាំងពីដើមទសវត្សទី២០ ក្នុងអំឡុងសម័យអាណានិគមបារាំងមកម្លេះ)។ រោងចក្រនេះ
បានផលិតស្រាបៀរដោយដាក់ស្លាកសញ្ញាពីរគឺ ស្រាបៀរអង្គរ និង ស្រាបៀរបាយ័ន។
នៅទសវត្សទី៧០ (អំឡុងសម័យ លន់ នុល) រោងចក្របានខាតបង់ប្រាក់ជាបន្តបន្ទាប់ ហើយចុងក្រោយត្រូវបានបិទនិងបំផ្លាញដោយរបបខ្មែរក្រហម។ ដូច្នេះមិនមានផលិត
ផលស្រាបៀរនៅចុងទសវត្សទី៧០ និងទសវត្សទី៨០ ទៀតទេ។
នៅក្នុងឆ្នាំ១៩៩១ ក្រុមហ៊ុនមកពីប្រទេសអូស្រ្តាលីបានបង្ហាញពីចំណាប់អារម្មណ៍ក្នុង
ការបង្កើតឡើងវិញនូវរោងចក្រស្រាបៀរអង្គរ ប៉ុន្តែត្រូវដកទៅវិញដោយសារស្ថានភាព
មិននឹងនរនៅក្នុងប្រទេសកម្ពុជា។ បន្ទាប់មកនៅក្នុងឆ្នាំនោះដែរ ក្រុមហ៊ុនមកពីប្រទេស
ម៉ាឡេស៊ីបានទិញក្រុមហ៊ុននិងដូរឈ្មោះទៅជា “ខេមប្រ៊ូវ (Cambrew)” ។ នៅឆ្នាំ១៩៩២ ចង្វាក់ផលិតកម្មស្រាបៀរអង្គរក៏បានចាប់ផ្តើមឡើងវិញនៅទីតំាងដើមគឺនៅទីក្រុងព្រះ
សីហនុ។ ចំណែកឯស្រាបៀរបាយ័នចាប់ផ្តើមផលិតឡើងវិញដែរនៅឆ្នាំ១៩៩៥។
កាសស្បែរ(Carlsberg) ជាក្រុមហ៊ុនផលិតស្រាបៀរមួយដែលធំជាងគេក្នុងចំណោម ក្រុមហ៊ុនផលិតស្រាបៀរធំៗក្នុងពិភពលោក ដែលបានទិញភាគហ៊ុន៣០ភាគរយនៅ
ឆ្នាំ២០០៥ និងបង្កើនចំណែកភាគហ៊ុនដល់៥០ភាគរយនៅក្នុងឆ្នាំ២០០៦ ពីខេមប្រ៊ូវ។ នៅឆ្នាំ២០០៧ ដោយមានឧបករណ៍ទំនើបធ្វើឲ្យមានសមត្ថភាពផលិតប្រចាំឆ្នាំបាន
រហូតដល់៨០០.០០០ ហិចតូលីត្រ(២៥០លានកំប៉ុង)។
ផលិតផលស្រាបៀរ អង្គរ មិនត្រឹមតែពេញនិយមនៅក្នុងប្រទេសកម្ពុជាទេ ពួកវាក៏ត្រូវ
បាននាំចេញទៅប្រទេសជាច្រើនជុំវិញពិភពលោករួមមាន សហភាពអឺរ៉ុប ជប៉ុន អូស្រ្តាលី និងសហរដ្ឋអាមេរិកជាដើម។
បញ្ជាក់៖ អត្ថបទនេះមិនមែនសរសេរឡើងក្នុងគោលបំណងផ្សព្វផ្សាយផលិតផល
ស្រាបៀរអ្វីនោះទេ វាគ្រាន់តែចង់បង្ហាញពីប្រវត្តិត្រួសៗទាក់ទិននឹងស្រាបៀរផលិត
នៅស្រុកខ្មែរតែប៉ុណ្ណោះ។
ឯកសារយោង៖ ចុចត្រង់នេះ
Filed under: ចំណេះដីងទូទៅ:General Knowledge, ពីនេះពីនោះ : Others | Tagged: Angkor Beer, ប្រទេសខ្ញុំ ស្រាបៀរខ្ញុំ, ស្រាបៀរបាយ័ន, ស្រាបៀរអង្គរ, Bayon Beer, Cambrew, Carlsberg, My Country My Beer |
អត្ថបទនេះល្អណាស់! និយាយចឹងដូចជាបាត់មុខម្ចាស់ប្លុកនេះ យូមេះ? ទៅដល់ណាខ្លះ?
អរគុណ បងសាម៉ាឌី! មិនបានទៅណាទេ គ្រាន់តែអសកម្មតែប៉ុណ្ណោះ ដោយសារឥឡូវអត់កុំព្យូទ័រប្រើ និងមិនមានអ៊ិនធើណេតប្រើឲ្យបានទូលំទូលាយនឹងគេហ្នឹងណា….
កាលណាបានខ្មែរ បានផលចំណេញពីខ្មែរ យកបរទេស មកយកលុយខ្មែរ ហើយស្រែកថា ប្រទេសខ្ញុំស្រាបៀខ្ញុំ នឹងថែមមួយទៀតថា ថៅកៃបរទេស
ស្រាបៀរខ្ញុំ ប្រទេសខ្ញុំ បើរោងចក្រជាកម្មសិទ្ធរបស់ខ្មែរមួយរយភាគរយទៀត គឺកាន់តែល្អ!
យ៉ាងណាក៏សុំអគុណម្ចាស់អត្ថបទដែរ
អរគុណដែលបានចំណាយពេលមានតម្លៃសំរាប់ការអានអត្ថបទនេះ។ 🙂
មានទៀតទេ
ប្រទេសខ្ញុំ ស្រាបៀខ្ញុំ! ញ៉ុមចូលចិត្តទាំងពាក្យ(ប្រទេសខ្ញុំ ស្រាបៀខ្ញុំ! ) ចូលចិត្តទាំងផលិតផល……ហេសហេ
ហេសហេ… ដៀតែខ្នូចទេ!
ប៉ាយ័តណា ប្រទេសខ្ញុំ ស្រាបៀខ្ញុំ ស្រវឹងដួលម៉ាតូខ្ញុំ ខ្ទេចមុខខ្ញុំ
ហាសហាស…… អគុណហើយលោកតា។
ប្រទេសខ្ញុំ ស្រាបៀរខ្ញុំ តើអ្នកអាចផ្តល់ពត៏មានអំពីប្រវត្តិរបស់ក្រុមហ៊ុនស្រាបៀរអង្គរអោយមកខ្ញុំបានទេ?E-mail របស់ខ្ញុំគឺ sokchamroue@yahoo.com. ខ្ញុំសូមអរគុណទុកជាមុន