ប្លុកនេះត្រូវបានអភិវឌ្ឍឡើងតំាងពី ខែមេសា ឆ្នំា២០១០ មកម្លេះដែលមានឈ្មោះថា “អានច្រើន ចម្រើនបញ្ញា”។ ឆ្លងតាមពេលវេលាកន្លងមក អត្ថបទមួយចំនួនត្រូវបានសសេរ និងដាក់ប្រកាសសម្រាប់ជាការអានកំសាន្ត ឫដើម្បីការស្រាវជ្រាវ។ តែអ្វីៗតែងមានការផ្លាស់ប្តូរប្រែប្រួលជាលក្ខណៈធម៌ជាតិ ឫក៏ត្រូវធ្វើការកែសម្រួលវាឲ្យមានភាពប្រសើរទៅតាមពេលវេលា។
ដូច្នេះ ដើម្បីសម្របទៅតាមច្បាប់ធម៌ជាតិនៃភាពប្រែប្រួល ហើយក៏ដើម្បីបន្ទាន់សម័យប្លុកខ្ញុំឲ្យកាន់តែប្រសើរ និងមានប្រយោជន៍ជាងមុន ខ្ញុំក៏បានសម្រេចចិត្តធ្វើការកែប្រែ ឈ្មោះប្លុកពី “អានច្រើន ចម្រើនបញ្ញា” ទៅជា “ចំណីគំនិត”វិញ។ ក្រោមចំណងជើងថ្មីនេះ ខ្ញុំនឹងព្យាយាមពាំនាំនូវអត្ថបទណាដែលមានប្រយោជន៍ល្អៗសម្រាប់ជាចំណីគំនិតដល់មិត្តអ្នកអានទំាងអស់គ្នាសម្រាប់ធ្វើការត្រិះរិះពិចារណា ដើម្បីបង្កើនបញ្ញានិងចំណេះដឹង។
ខ្ញុំសង្ឃឹមថាមិត្តអ្នកអានមិនប្រកាន់ទោសអូសដំណើរអ្វីទេ! ហើយខ្ញុំក៏សង្ឃឹមថាមិត្តអ្នកអានទាំងអស់គ្នានឹងជួយជ្រោមជ្រែងនិងផ្តល់កម្លាំងចិត្តក្នុងការសរសេរអត្ថបទ។
ជាថ្មីម្តងទៀត ខ្ញុំបានសូមអរគុណចំពោះមិត្តអ្នកអានទំាងឡាយដែលតែងតែបានគំាទ្រ និងចូលអានអត្ថបទ និងជាពិសេសដែលបានរិះគន់ក្នុងន័យស្ថាបនាដើម្បីឲ្យមានភាពប្រសើរក្នុងការចែករំលែកចំណេះតាមរយៈប្លុក។
ភ្នំពេញ, ថ្ងៃទី១០ ខែមេសា ឆ្នាំ២០១២
ទូច សារ៉េត
ការអភិវឌ្ឍន៍ចំនេះដឹង សម្ថតិភាព គឺជាកត្តាមួយដ៏ចំបាច់សំរាប់មនុស្សយើងម្នាក់ៗ។
ដូចនេះហើយ មនុស្សយើងគ្រប់រូប គប្បីគួរតែសិក្សាស្វែងយល់បន្ថែមនូវរាល់បញ្ហានានា
នៅក្នុងបរិយាកាសសង្គមអោយបានច្រើន ដោយការ ស្តាប់ សង្កេត តាមដានព្រឹត្តិការណ៍
ផ្សេងៗ និងជាពិសេស អានសៀវភៅ អោយបានច្រើន។
ការអាននេះ មិនមែនគ្រាន់តែជួយបង្កើន ចំនេះដឹង បញ្ញា ស្មារតីប៉ុននោះទេ គឺវាក៏ជា
សកម្មភាពកំសាន្តអារម្មណ៍មួយផងដែរ ដែលជួយកែភាពអផ្សុកនៅពេលទំនេរ។
ដូចនេះ សូមអានអោយបានច្រើន!!!
ដោយសម័យកាលកាន់តែជឿនលឿន សិល្បៈនៃការចែករំលែកចំនេះវិជ្ជាក៏មានការ
រីកចំរើនដែរ។ ឥឡូវនេះ ដើម្បីបង្កើនចំនេះដឹង និង ការកំសាន្តអារម្មណ៍តាមរយៈការ
អាន គឺមិនចាំបាច់តែលើសៀវភៅមួយមុខទេ គឺតាមច្រើនរូបភាពណាស់។
ជាឧទាហរណ៍ “អានសៀវភៅមិនគ្រប់ អានប្លុកបន្ថែម!!!”
យោងតាមសេចក្តីត្រូវការខាងលើ ទើបខ្ញុំបាទបានបង្កើតប្លុក ដែលមានឈ្មោះ
ថា អានច្រើន ចម្រើនបញ្ញានិងមានរូបភាពក្បាលទំព័រដូចខាងលើនេះឡើង
ដើម្បីដាក់ផ្សាយនួវអ្វីដែលខ្ញុំបានចងក្រងសំរាប់មិត្តទាំងឡាយធ្វើការអាន និង
កំសាន្តហ្នឹងណា៎!!!
សូមបញ្ជាក់ៈ រាល់អត្តបទដែលបានដាក់ផ្សាយ គឺជាអ្វីដែលខ្ញុំបាន អាន ស្រាវជ្រាវ និង
ចងក្រងឡើងដើម្បីបង្ហាញ និង ចូលរួមជាមតិតែប៉ុណ្ណោះ។ ដូច្នេះ បើមានកំហុសឆ្គងណា
មួយកើតមានឡើង ខ្ញុំបាទសូមអភ័យទោសដល់មិត្តអ្នកអានទាំងអស់គ្នា និង សូមមិន
ទទួលខុសត្រូវចំពោះការយកទៅប្រើប្រាស់ផងដែរ ព្រោះវាគ្រាន់ជាឯកសារស្រាវជ្រាវ
តែប៉ុណ្ណោះ៕ ដោយសេចក្តីអនុគ្រោះ និង ការគោរពដ៏ខ្ពង់ខ្ពស់ពីរូបខ្ញុំបាទ ទូច សារ៉េត។
ភ្នំពេញ, ថ្ងៃទី ២៩ ខែមេសា ឆ្នាំ២០១០
ទូច សារ៉េត.
ចំណីគំនិត 
ខ្ញុំពេញចិត្ត នឹងការស្រាវជ្រាវពត៍មានរបស់បងប្រុសខ្លាំងណាស់។
អរគុណចំពោះបូរីខ្លាំងណាស់ ដែលបានលើកទឹកចិត្ត
និង ជួយគាំទ្រដល់ប្លក់របស់បង។ សង្ឃឹមថាអត្ថបទ
ដែលបងបាន post មានប្រយោជន៍ដល់មិត្តអ្នកអាន
ក្នុងការស្រាវជ្រាវ និង សំរាប់ការអានកំសាន្តទៅចុះ!
ខ្ញុំពេញចិត្ត នឹងការស្រាវជ្រាវពត៍មាននេះ
ក្នុងនាមអាត្មាជាព្រះសង្ឃខ្មែរសូមសើរចំពោះបងប្រុសដែលមានគំនិតចង់ចែករំលែកនូវចំណេះដឹងដល់កូនខ្មែរយើងគ្រុមគ្នា ព្រោះស្ថាប័ន ឬ ប្រទេសមួយ ដែលអាចរីកចំរើនទៅបានលុះត្រាតែ មានធនធានមនុស្្ស។ ហើយម្យ៉ាង តាមទ្រឹស្តីពុទ្ធសាសនាក៏សម្តែងថា វិនិមុត្តោ កថំ បណ្ឌិតោ ភវ បើបុគ្គលប្រាស់ចាកនូវសុចិបុគ្គលិកហើយ តែនិងក្លាយទៅជាបណ្ឌិតម្តេចនឹងកើត។ជាចុងអាត្មាសូមជូនពរ បងប្រុសអោយបានជូបប្រទេះតែនឹង សេចក្តីសុខគ្រុមពេលវេលា។
សូមអរគុណចំពោះការខិតខំប្រឹងប្រែងនេះ បងប្រុស។ អំណាន គឺជាឧបាយដែលអាចដឹកនាំយើងឲ្យមើលឃើញពិភពលោកកាន់តែទូលំទូលាយ។
សូមអរគុណចំពោះការចែករំលែក បងប្រុស។ ដើម្បីជាការចូលរួម សូមរួមចំណែកកែតម្រូវខ្លះដូចខាងក្រោម៖
-ត្រង់់សេចក្តីថា “ប្រែប្រួលជាលក្ខណៈធម៌ជាតិ” គួរកែជា “ប្រែប្រួលជាលក្ខណៈធម្មជាតិ” វិញ។
-ត្រង់សេចក្តីថា “សម្របទៅតាមច្បាប់ធម៌ជាតិ” គួរកែជា “សម្របទៅតាមច្បាប់ធម្មជាតិ” វិញ។
-ត្រង់សេចក្តីថា “ដើម្បីដាក់ផ្សាយនួវអ្វីដែលខ្ញុំបានចងក្រង” គួរកែជា “ដើម្បីដាក់ផ្សាយនូវអ្វីដែលខ្ញុំបានចងក្រង” វិញ។
-ត្រង់សេចក្តីថា “រាល់អត្តបទដែលបានដាក់ផ្សាយ” គួរកែជា “រាល់អត្ថបទដែលបានដាក់ផ្សាយ” វិញ។
សូអរគុណ និងសូមអរធ្យាស្រ័យប្រសិនបើការកែលម្អមានការខុសឆ្គង។ សូមជូនពរបងប្រុសដែលជាម្ចាស់ប្លក់មានសុខភាពល្អ និងសម្រេចរាល់កិច្ចការល្អនៅក្នុងជីវិត។ ដោយសេចក្តីរាប់អានពីត្មាភាព ព្រឿង ថូយ (FB: Thoy Proeung)។