ភពព្រះច័ន្ទអាចនឹងកំពុងតែរួមមាឌ

……………….
មានការបង្ហាញមួយបានបញ្ជាក់ថា ភពព្រះច័ន្ចអាចនឹងកំពុងតែរួមទំហំមាឌ ប៉ុន្តែក្នុង​
ល្បឿនយ៉ាងយឺតបំផុត។ ការសិក្សាស្រាវជ្រាវថ្មីនេះបានបញ្ជាក់ទៀតថាស្នាមប្រេះនៅ​លើផ្ទៃភពព្រះច័ន្ចនេះ គឺបណ្តាលមកពីផ្ទៃខាងក្នុងភពមានការធ្លាក់ចុះនូវកំដៅ និង​
មកពីការរួមមាឌនៅប្រមាណជារាប់ពាន់លានឆ្នាំចុងក្រោយនេះ។ ប៉ុន្តែទោះយ៉ាងនេះ​
ក៏ដោយ ការរួមមាឌនេះមិនអាចមើលនឹងភ្នែកឃើញជាក់លាក់បានទេ ដែលធ្វើឲ្យ​
មនុស្សជាច្រើនមិនបានចាប់អារម្មណ៍ទៅលើវា។​

នៅក្នុងទស្សនាវដ្តី វិទ្យាសាស្រ្ត, លោក Thomas R. Wattersបានពន្យល់ថាអ្នក​
វិទ្យាសាស្រ្តបានកំណត់សណ្ឋានដី ១៤កន្លែង មានលក្ខណៈច្រាំងចំណោតមើលទៅ​
ដូចជាស្នាមប្រេះដែលរាយបាយពាសពេញនៅលើផ្ទៃភព។ លក្ខណៈសណ្ឋានដីទាំង​
នេះបានធ្វើឲ្យភពព្រះច័ន្ទរួមមាឌប្រហែលជា ១០០ម៉ែត្រដែលទំហំនេះមិនអាចមើល​
នឹងភ្នែកទទេឃើញឡើយ។ គួរបញ្ជាក់ផងដែរថាទំហំរបស់ភពព្រះច័ន្ទគឺស្មើប្រមាណ​
ជាមួយភាគបួននៃភពផែនដីយើងនេះ។ លោក Thomas R. Watters ក៏បានបញ្ជាក់​
ទៀតថា ការរួមមាឌនេះនឹងមិនធ្វើឲ្យព្រះច័ន្ទបាត់បង់ទេ ហើយក៏មិនប៉ះពាល់ដល់ផែន​
ដីផងដែរ។​
………………