ពីមួយឆ្នាំទៅមួយឆ្នាំឃើញថាយុវជនខ្មែរទាំងប្រុសទាំងស្រីមានការចាប់អារម្មណ៍
ទៅលើថ្ងៃរំលឹកគុណម្តាយ (Mother’s Day) កាន់តែច្រើនឡើងៗ។ បើតាមការ
សង្តេតមើលនៅតាមហ្វេសប៊ុគ (Facebook) ថ្ងៃនេះមានយុវជនមួយចំនួនបាន
ប្តូររូបភាព ដាក់រូបភាពថ្មីដែលទាក់ទងនឹងការរំលឹកគុណម្តាយ និងមួយចំនួនទៀត
បានសរសេរពីការជូនពរ ឫពីគំរោងផែនការដែលខ្លូននឹងធ្វើដើម្បីជាការរំលឹកគុណ
យ៉ាងព្រោងព្រាតនៅក្នុងហ្វេសប៊ុគ។ មើលទៅគួរឲ្យរំភើបណាស់!
តើនេះជាការពិត ឫក៏គ្រាន់តែចង់ឲ្យគេឯងឃើញតែប៉ុណ្ណោះទេ? ខ្ញុំជឿជាក់ថាពួកគេ
ពិតជានឹងធ្វើអ្វីដែលពួកគេប្រាថ្នាចង់ផ្តល់ដល់ម្តាយរបស់ពួកគេជាក់ជាពុំខាន។បើ
យុវជនទាំងអស់នេះពិតជាស្រឡាញ់ និងដឹងគុណម្តាយដូចដែលគេបានបង្ហាញនៅ
ក្នុងហេ្វសប៊ុគនោះ ពិតជាល្អក្រៃ រកអ្វីមកថ្លែងប្រៀបពុំបានទេ! ព្រោះនេះសរបញ្ជាក់
ឲ្យឃើញថាពួកគេពិតជាបានយល់ច្បាស់ពីគុណបំណាច់របស់ម្តាយដែលខំចិញ្ចឹមបី
បាច់ថ្នាក់ថ្នមថែរក្សាតាំងពីតូចរហូតដល់ធំដែលឆ្លងកាត់ការលំបាកជាច្រើន។
សម្រាប់ជាការដឹងគុណនិងសងគុណ គឺមិនមែនគ្រាន់តែធ្វើមួយថ្ងៃនឹងទេគឺជារៀង
រាល់ថ្ងៃពេញមួយជីវីតរបស់យើងដែលជាកូនៗ ទើបស័កសមនឺងអ្វីដែលគាត់បានធ្វើ
ចំពោះពួកយើង។
.:. គួរបញ្ជាក់ផងដែរថា ថ្ងៃរំលឹកគុណម្តាយគឺមានកាលបរិច្ឆេទខុសៗគ្នានៅតាមប្រទេសមួយចំនួនជុំវិញ
ពិភពលោក តែមានប្រទេសភាគច្រើនបានកំណត់យកថ្ងៃអាទិត្យទីពីរនៃខែឧសភា។ ដូច្នេះនៅឆ្នាំ ២០១១នេះ គឺត្រូវនឹងថ្ងៃទី ០៨ ឧសភាហើយសម្រាប់ឆ្នាំក្រោយគឺត្រូវ
នឹងថ្ងៃទី ១៣ ឧសភា ២០១២។
សូមអានផងដែរនូវ៖ ថ្ងៃរំលឹកគុណម្តាយឆ្នាំ ២០១០
Filed under: ទស្សនៈនិងការពិចារណ | Tagged: ថ្ងៃរំលឹកគុណម្តាយ, mother's day |
ចំណីគំនិត 
រីករាយថ្ងៃម្តាយណាបងប្រុស!
រីករាយដូចគ្នាណា….
សង្ឃឹមថាប្អូននឹងមានកម្មវិធីពិសេសជូនអ្នកម្តាយប្អូន! 🙂
បាទបង! ប្អូននឹងកំដរគាត់ថ្ងៃនេះ ហើយប្អូនមានគំរោងទិញការ៉ែមអោយគាត់! ព្រោះគាត់ចូលចិត្តណាស់!
ស្តាប់ទៅម៉្យាងដែរ! មិនសំខាន់ជាស្អីទេ ឲ្យតែគាត់ពេញចិត្ត និងសប្យាយចិត្តជាការដ៏ប្រសើរហើយ!
បាទបង! មិនប្រាកដថាមាសប្រាក់អាចប្តូរយកស្នាមញញឹមគាត់បានទេ ស្នាមញញឹមគាត់ម្តងមានតំលៃលើសអ្វីៗទាំងអស់សំរាប់ប្អូន!
ល្អណាស់! បងសង្ឃឹមថាយុវជនដ៏ទៃនឹងចេះឲ្យតម្លៃលើស្នាមញញឹមរបស់មាតាដូចប្អូន…