Happy Mother's Day
………………………….
សួស្តី អ្នកទាំងអស់គ្នា!
តើមានបានដឹងទេថាតើ ថ្ងៃរំលឹកគុណម្តាយ (Mother’s Day) នៅថ្ងៃណាដែរទៅ?
គឺថ្ងៃទី 09 ខែ ឧសភាចំពោះឆ្នាំនេះ! (ភាគច្រើន)
នេះមិនមែនមានន័យថា ទាល់តែដល់ថ្ងៃរំលឹកគុណម្តាយ ទើបយើងជាកូនធ្វើការដឹង
គុណនោះទេ គឺត្រូវដឹងគុណជារៀងរាល់ថ្ងៃ មិនថាពេលណាៗទេ តែគ្រាន់តែបង្កើត
ថ្ងៃនេះឡើងដើម្បីរំលឹកថា មានម្តាយជាអ្នកមានគុណធ្ងន់ជាងប្រឹថពី ត្បិតអីម្តាយជា
អ្នកឲ្យនូវជីវិត ឲ្យនូវសេចក្តីស្រលាញ់ និងការទំនុកបំរុងផ្សេងៗ។ យើងដឹងទេ!ពាក្យ
ថា “ម៉ែ” ឬ “ម៉ាក់” ជាពាក្យដែលមនុស្សយើងភាគច្រើន កាលនៅកុមារភាព ចេះ
និយាយមុនពាក្យដទៃៗទៀត ពីព្រោះតែម្តាយជាអ្នកចិញ្ចឹមបីបាច់ ថែរក្សា និងជាអ្នក
នៅជិតកូនជាងអ្នកណាៗទាំងអស់។
ទាំងនេះសរបញ្ជាក់ឲ្យឃើញថា ម្តាយពិតជាមានព្រះគុណធំក្រៃលែង គ្មានអ្វីនឹង
ថ្លែងទេ ដែលចាស់ព្រឹទ្ធាចារ្យយើងបានប្រៀបប្រដូចម្តាយទៅនឹងព្រះនៅផ្ទះទៀត
ផង។ ជាឧទាហរណ៍៖
ម៉ែជាអាចារ្យ ម៉ែជាទេវតា
ស្ថិតនៅក្នុងផ្ទះ និងម៉ែជាព្រហ្ម
ព្រមទាំងជាព្រះ កូនក្រាបសំពះ
ឈ្នះអស់សត្រូវ។
តាមការស្តាប់ពាក្យទូន្មានរបស់ចាស់ព្រឹទ្ធាចារ្យយើងខាងលើ យើងគប្បីណាស់គួរ
តែសំពះម្តាយជារៀងរាល់ថ្ងៃដើម្បីឈ្នះអស់មារសត្រូវ និងជាពិសេសដើម្បីបង្ហាញ
ពីសេចក្តីស្រលាញ់ សេចក្តីគោរពចំពោះគាត់វិញ ដែលធ្វើឲ្យគាត់គិតថាការតស៊ូក្នុង
ការពពោះ 9ខែ 10ថ្ងែ និងការឆ្លងទន្លេដ៏លំបាកលំបិនរបស់គាត់ដើម្បីផ្តល់កំណើត
ដល់យើងទាំងអស់គ្នា គឺមិនមែនជារឿងឥតប្រយោជន៍ ខាតបង់ពេលវេលានោះទេ។
ដូចេ្នះដើម្បីតបស្នងសងគុណដល់គាត់ តើអ្នកទាំងអស់គ្នាមានគំរោង ឬកម្មវិធីអី
ពិសេសខ្លះទេ ដែលនឹងធ្វើនៅថ្ងៃ 09 ឧសភានេះ ដើម្បីផ្តល់ភាពភ្ញាក់ផ្អើលដល់
គាត់?
…………………………
Filed under: ចំណេះដីងទូទៅ:General Knowledge | Tagged: ថ្ងៃរំលឹកគុណម្តាយ, mother's day |
ចំណីគំនិត 
ហេស ហេស..ក៏ធ្លាប់ដឹងខ្លះៗ ហើយក៏ធ្លាប់ទិញអីជូនម៉ាក់ថ្ងៃហ្នឹងដែរ តែត្រូវគាត់ស្តីអោយ ថា មិនដឹងចំណាយលុយស្អីចឹងៗទេ ធ្វើជាកូនល្អសំរាប់គាត់ទៅ គឺគ្រប់គ្រាន់ហើយ!
ហេ! គាត់និយាយអញ្ចឹងមែន តាមពិតគាត់លួចញញឹមក្នុងចិត្តថា
“កូនខ្ញុំពិតជាចិត្តបាន និង កត្តញ្ញូមែន!”
🙂 ប្រហែលហើយមើលទៅ